नेपाली समय: ०८:१९:५४ pm
वि.सं २०७७ कार्तिक ६   बिहीवार

नियम र सर्तहरू

News Title

प्रयोगकर्ताले हामीले बनाएका प्रयोगका सर्त तथा नियमहरु पालना गर्न तत्पर रहने छाैं भन्दै लुम्बिनी भ्वाइस डटकम प्रयोगका केहि नियम र सर्तहरू हामीले निर्माण गरेका छाैं । 

१, प्रकाशित प्रशारित समाचारहरुका बारेमा सभ्य भाषामा कमेन्ट तथा यसको भत्सना गर्नु पर्नेछ । 

२, समाजलाई सभ्य र संस्कारमा रहनका निम्ति हामीले आ-आफ्नो स्थानबाट श्लिल भाषाको प्रयोग गर्नुपर्नेछ। 

३, समाचारका हेडलाइन मात्रै पढेर आफ्नो धारणा सार्वजनिक गर्ने छैनाैं । 

४, प्रकाशित प्रशारित समाचारमा चित्त नबुझेमा हामीले लुम्बिनी भ्वाइस डटकमको इमेल वा अन्य कुनै सम्पर्कको माध्यमबाट खण्डण गर्ने वा सम्बन्धित निकायमा उजुरी गर्नुपर्नेछ । 

५, सभ्य नागरिकको परिचय दिदै सामाजिक प्रतिष्ठामा खलल पुर्याउने जस्ता कुराहरुमा सजग रहने छाैं । 

ताजा समाचार

राष्ट्रिय युवा संघ नेपाल र भक्तपुर जिल्ला कमिटीकाे बिचमा एकता प्रक्रिया सम्पन्नः'७१ सदस्यीय जिल्ला कमिटी घाेषणा'

ललितपुर । नेपाल कम्युनिस्ट पार्टीकाे महत्त्वपूर्ण जनबर्गिय संगठन, अाम नेपालीहरुकाे अाशा र भराेसाकाे केन्द्रकाे रुपमा  रहेकाे राष्ट्रिय युवा संघ नेपाल भक्तपुर जिल्लाकाे एकता प्रक्रियाले पुर्णता पाएकाे छ ।  नेकपा एमाले निकट युवा संघ र नेकपा माअाेवादी केन्द्र  बिच निकट याेङ्ग कम्युनिस्ट लीग नेपाल नामक २ युवा संगठन पार्टी एकता पश्चात  राष्ट्रिय युवा संघ नेपाल बनेकाे थियाे तेसपछी केन्द्र देखि स्थानीय तहसम्म एकता प्रक्रियालाई  पुर्णता दिन केन्द्रीय नेतृत्वले दिएकाे निर्देशन अनुशार  राष्ट्रिय युवा संघ नेपाल र भक्तपुर जिल्लाकाे एकता  प्रक्रियाले पुर्णता पाएकाे हाे । युवा संगठनकाे एकता प्रक्रियालाई पुर्णता दिन राष्ट्रिय युवा संघ नेपालका केन्द्रीय सदस्य एवं भक्तपुर जिल्ला कमिटीका इन्चार्ज दिनेश थपलिया क. अाक्राेश र सह-इन्चार्ज दिपक दाहाल कमरेडकाे विशेष उपस्थितिमा राष्ट्रिय युवा संघ नेपाल भक्तपुर जिल्ला कमिटी संयाेजक कमरेड राजु लुबन्जार श्रेष्ठ र सह-संयाेजक कमरेड अजय श्रेष्ठ सहित ७१ सदस्यीय जिल्ला कमिटी घाेषणा गरेकाे जारी प्रेस नाेटमा उल्लेख रहेकोछ । भक्तपुर जिल्लामा रहेकाे ४ स्थानीय तहहरु मध्ये मध्यपुर ठिमी  नगरपालिका, भक्तपुर  नगरपालिका साबिक वाई सि यल नेपालकाे संयाेजकत्वमा  र  सुर्यबिनायक नगरपालिका, चागुनारयण नगरपालिका साबिक युवा संघकाे संयाेजकत्वमा रहने गरी  स्थानीय तहकाे पनी एकता प्रक्रिया सम्पन्न भएकाे छ । सुर्यविनायक नगर कमिटी  संयाेजक रबिन थापा सह-संयाेजक सुरेन्द्र सुवाल, चाँगुनारायण नगर कमिटी  संयाेजक कपुर थापा सह-संयाेजक लक्ष्मण दुलाल, मध्यपुर ठिमी नगर कमिटी  अमित चक्रधर सह-संयाेजक सुजन नानी श्रेष्ठ, भक्तपुर नगर कमिटी कृष्णमान बनमाला सह-संयाेजक शुसिल मधिकर्मीले जिम्मेवारी पाएका हुन् ।

भारतले नाका खोल्दा सीमाक्षेत्रमा तनाव

पर्सा  ।  भारतीय पक्षले एकपक्षीय रुपमा आज वीरगञ्ज नाका खोलेपछि सीमाक्षेत्रमा तनाव सिर्जना भएको छ ।  दुई देशको सीमामा रहेको रक्सौल कस्टमले बिहान ६ बजेदेखि नाका खुल्ला गरेपछि भारतबाट नेपालतर्फ आउनेलाई नेपाली सुरक्षाकर्मीले रोक्दा सीमाक्षेत्रमा तनाव सिर्जना भएको हो । कोरोना सङ्क्रमणका कारण गत चैत ११ गतेदेखि बिनाअनुमति सर्वसाधारलाई नेपाल भित्रन रोक लगाइएकामा भारतीय पक्षले नाका  खोलेपछि भारतबाट नेपाल भित्रन ठूलो सङ्ख्यामा सर्वसाधारण सीमाक्षेमा जम्मा भएका छन् । विभिन्न निजी सवारी साधनमा सवार सयौँ व्यक्ति वीरगञ्जको मितेरी पुलमा जम्मा भएपछि उनीहरुलाई रोक्न नेपाली सुरक्षाकर्मीलाई हम्मेहम्मे परेको छ । पर्साका प्रमुख जिल्ला अधिकारी आस्मान तामाङले यही कात्तिक ३० गतेसम्म सीमा नाकाबाट आवागमन बन्द राखिने नेपाल सरकारको निर्माण भएकाले सोको कार्यान्वयन हुने बताए । 

तीन मुलुकका लागि आवासीय राजदूत नियुक्त

काठमाडौँ  ।  राष्ट्रपति विद्यादेवी भण्डारीले मन्त्रिपरिषद्को सिफारिसमा तीन मुलुकका लागि आज आवासीय राजदूत पदमा नियुक्त गरेकी छन् । राष्ट्रपति भण्डारीले नेपालको संविधानको धारा २८२ बमोजिम बेल्जियम अधिराज्यका लागि गेहेन्द्र अधिकारी, इस्लामिक गणतन्त्रका लागि तापस अधिकारी र सङ्घीय गणतन्त्र जर्मनीका लागि रामकाजी खड्कालाई राजदूत नियुक्त गरेको राष्ट्रपतिको कार्यालयका सहायक प्रवक्ता केशवप्रसाद घिमिरेद्वारा जारी विज्ञप्तिमा जनाइएको छ ।

नक्कली नोटसहित एक पक्राउ

चितवन  ।   जिल्ला प्रहरी कार्यालय चितवनले रु ३ लाख २१ हजार नक्कली नोटसहित एक जनालाई पक्राउ गरेको छ ।  पक्राउ पर्नेमा मकवानपुरको राक्सीराङ गाउँपालिका–८ का २६ वर्षीय जीतबहादुर लोप्चन रहेका छन् । नक्कली नोटको कारोवार भइरहेको भन्ने सूचनाका आधारमा प्रहरीले राप्ती नगरपालिका–५ चौकीडाँडाबाट मङ्गलबार उनलाई पक्राउ गरी आज सार्वजनिक गरेको हो ।  पक्राउ पर्दा लोप्चनको साथबाट रु १ हजारको १२ थान नक्कली नोट बरामद गरिएको थियो । उनले भण्डारीको युनिक होटलमा खाजा खाएर तिरेको रु १ हजार र बर्तौला किराना पसलमा तिरेको रु ६ हजारसमेत नक्कली रहेको प्रहरीले जनाएको छ । बाँकी रकम घरमा लुकाई राखेको अवस्थामा बरामद गरिएको हो । कार्यालयका प्रमुख प्रहरी उपरीक्षक नान्तिराज गुरुङका अनुसार उनको घरबाट रु ३ लाख २ हजार बरामद गरिएको थियो । लोप्चनलाई जिल्ला अदालत चितवनबाट मुलुकी अपराधसंहिता, २०७४ को परिच्छेद २२ अन्तर्गत मुद्रासम्बन्धी कसूरमा समय थप गरी अनुसन्धान शुरु गरिएको प्रहरीले जनाएको छ । यस कसूरमा १० वर्षसम्म कैद वा रु १ लाखसम्म जरिवानाको व्यवस्था छ ।  नक्कली नोट कारोबारमा संलग्न अन्य २ जनाको खोजी भइरहेको प्रहरी प्रमुख गुरुङले जानकारी दिए ।   

तस्करको आक्रमणमा परी ज्यान गुमाएका प्रहरीका परिवारलाई प्रदेश सरकारले राहत दिने

सुदूरपश्चिम  ।  सुदूरपश्चिम प्रदेश सरकारले नियमित गस्तीका क्रममा तस्करको आक्रमणमा परी ज्यान गुमाएका प्रहरी सहायक निरीक्षक गोविन्द विक र प्रहरी जवान रामबहादुर साउदको परिवारलाई राहत उपलब्ध गराउने निर्णय गरेको छ ।  मन्त्रिपरिषद्को आज बसेको बैठकले मृतक प्रहरीका परिवारलाई जनही रु १ लाखका दरले राहत उपलब्ध गराउने र मृतकका बालबालिकाको नाममा खाता खोली थप रु १-१ लाख जम्मा गरिदिने निर्णय गरेको मुख्यमन्त्रीका प्रमुख स्वकीय सचिव शिवसिंह ओलीले जानकारी दिए ।  धनगढी उपमहानगरपालिका–१२ स्थित नेपाल–भारत सीमा क्षेत्रमा नियमित गस्तीमा रहेका प्रसनि विक र प्रज साउदको यही कात्तिक १ गते राति तस्करको समूहले हत्या गरेको थियो ।  कञ्चनपुरका प्रसनि विक र अछामका प्रज साउद धनगढी उपमहानगरपालिका–१२ जुगेडामा रहेको अस्थायी प्रहरी पोष्टमा कार्यरत थिए । मृतक प्रहरीको शव सीमा क्षेत्रको मोहना नदीमा फेला परेको थियो । प्रहरीले उक्त घटनामा संलग्न भएको अभियोगमा धनगढी उपमहानगरपालिका–१० का ७ जनालाई पक्राउ गरेको छ ।

३ हजार ६ सय ३७ जनामा कोरोना संक्रमण पुष्टि, १ लाख बढी संक्रमणमुक्त

काठमाडौं । पछिल्लो २४ घण्टामा ३ हजार ६ सय ३७ जनामा कोरोना भाइरस (कोभिड-१९) को संक्रमण पुष्टि भएको छ ।  साथै देशभरका प्रयोगशालामा १५ हजार २५५ नमुना परीक्षण गर्दा उनीहरुमा पानी संक्रमण पुष्टि भएको हो ।  पाछिल्लो२४ घण्टामा नयाँ संक्रमितहरुमध्ये १ हजार ५ सय ५२ काठमाडौं उपत्यकामा छन् भने काठमाडौंमा कुल १ हजार २ सय ८३, ललितपुरमा १ सय ५७ र भक्तपुरमा १ सय १२ जना रहेका छन्छन् । योसँगै कुल संक्रमितको संख्या १ लाख ४८ हजार ५०९ पुगेको  र उनीहरुमध्ये ८१२ जनाको मृत्यु भएको छ भने १ लाख २ हजार ८२० जना संक्रमणमुक्त भएका छन् । पछिल्लो २४ घण्टामा मात्र ३ हजार २ सय १५ जना संक्रमणमुक्त भएको स्वास्थ्य तथा जनसंख्या मन्त्रालयका प्रवक्ता डा.जागेश्वर गाैतमले जानाएका छन् ।

मास्क र सामाजिक दूरीले सङ्क्रमण नियन्त्रण हुन्छः डा.पाण्डे

काठमाडाैँ   ।  काठमाडौँ उपत्यकामा कोभिड–१९ को सङ्क्रमण फैलिरहेकाले उपत्यकावासीले सकेसम्म टीका लगाउन ठूलाबडाकहाँ नजाने र जानैपर्दा सामाजिक दूरी कायम गर्न जनस्वास्थ्यविद्ले सल्लाह दिएका छन् ।    यस वर्ष सङ्क्रमण तीव्ररुपमा फैलिरहेकाले फोन वा भिडियो कलबाट आफूभन्दा ठूलासँग आशीर्वाद लिन सकिने जनस्वास्थ्य विशेषज्ञ डा.रवीन्द्र पाण्डे सल्लाह दिए ।  दशैँका समयमा अझै बढी भीड हुने भएकाले सार्वजनिक सवारी साधन चढ्न नहुने उनको सुझाव छ । जानैपर्दा पनि आफन्तको घर नजीक भए हिँडेर वा आफ्नो साधन हुँदा सुरक्षित भएर जानुपर्छ । टीका थाप्ने र लगाउने दुवै पक्षलाई मास्क प्रयोग तथा घर बाहिर निस्केपछि मास्क नखान तथा  खानाखाजा नखान पनि उनले सल्लाह दिएका छन्  ।  अहिले आइरहेको दशैँ र त्यसपछि आउने तिहार, छठ, ल्होसारले गर्दा बजारमा भीडभाड बढिरहेकामा चिन्ता व्यक्त गर्दै उनले यस समयमा  कडाइका साथ सरकारले जनस्वास्थ्यको मापदण्ड पालना गराउन र नागरिकले गर्न लाग्नुपर्ने सुझाव दिए । उनले भने, “ काठमाडौँका फुटपाथका पसललाई खुलामञ्च वा भृकुटीमण्डपमा सार्नुपर्छ र बसहरुमा एक सिटमा एक जना मात्रै बस्नुपर्छ ।”  काठमाडौँ उपत्यका बाहिर जाने नागरिकलाई ‘होम आइसोलेसन’ मा बस्न स्थानीय तहले समन्वय गर्नुपर्छ । उनले भने, “घर जाने व्यक्तिले आफूसँगै सङ्क्रमण लैजाँदा घरका नागरिक जो दीर्घरोगी हुनसक्छन्, उनलाई पछि गम्भीर असर गर्नसक्छ ।”  सरकारले के गर्यो र के गरेन भन्नुभन्दा पनि नागरिक आफैँ सजग हुनुपर्ने डा.पाण्डेको सुझाव छ । नेपालमा कोभिड फैलिएको आठ महिनामा पनि अझै नागरिकले मास्क लगाउन, दूरी कायम राख्न र र भीडभाड नगर्न नसिकेकामा उनले चिन्ता व्यक्त गरे । मास्कलाई नाक, मुख छोपेर सही तरिकाले लगाउँदा सङ्क्रमण फैलन सम्भावना कम हुने देखिएको उनले अध्ययन गरेका छन्  ।  ९० प्रतिशतभन्दा बढी नागरिकले सही तरीकाले मास्क लगाउने चीन, भियतनाम, कम्बोडिया, जापानलगायत देशमा कोरोना नियन्त्रणमा रहेको उनले उदाहरण दिए । ती देशमा नागरिकलाई खोप पनि नचाहिएको र सरकारले बन्दाबन्दी नगरेको उनले बताए । उनले भने, “जनता अनुशासित हुँदा महामारी घट्छ,  कोरोना चाँडो नियन्त्रणमा आउँछ ।” काठमाडौँ उपत्यकामा अहिले नै समुदायस्तरमा कोभिड–१९ फैलिसकेकाले दशैँ तिहार, छठलगायत चाडपर्वमा सङ्क्रमण अझै धेरै फैलनसक्ने अनुमान विज्ञले गर्दै आएका छन् । घर बाहिर हुँदा मास्क नलगाउने र भीडभाड गर्नेलाई कारवाही गर्नुपर्ने उनले माग गरे । निजी ठूला अस्पताल र केही सरकारी अस्पताललाई कोभिड अस्पताल बनाएर सबै शय्या, जनशक्ति र सघन उपचार कक्ष लिन सकिने उनको तर्क छ । उनले भने, “त्यसो हुँदा साना अस्पतालबाट अरु दीर्घरोगीले सेवा पनि सक्छन् ।”   अहिले पनि सही तरीकाले मास्क लगाउँदा र सामाजिक दूरी कायम गर्दा ६ देखि १२ हप्तामा सङ्क्रमण नियन्त्रणमा आउने डा.पाण्डेको भनाइ छ । यस वर्ष चाडपर्वमा बलि दिने, जात्रा गर्ने, तास खेल्नेलगायत गतिविधि पूरै रोक्नुपर्नेमा उनको जोड छ ।  चाडपर्वका समयमा कसरी सङ्क्रमण फैलन रोक्न सकिन्छ भनी मुख्यसचिव शङ्करदास वैरागीले गत साता विज्ञसँग सुझाव लिएका थिए । विज्ञले बन्दाबन्दी गरे वा नगरे पनि स्वास्थ्य सुरक्षाको मापदण्ड कडाइका साथ पालना गराउनुपर्ने सुझाव दिएका थिए ।   पहिले ‘लकडाउन’ वा ‘सटडाउन’ गर्दा बजार वा सडकमा मात्रै आवतजावत रोकेर बस्ती, चोकमा तरकारी बजारमा भीड रहेको उनले बताए । उनले भने, “अहिले लकडाउन नाम नदिइए पनि भीडभाड हुने स्थानमा सुरक्षाकर्मीको उपस्थिति बढाएर भीड नियन्त्रण र मास्कको प्रयोग बढाउनुपर्छ ।”