नेपाली समय: ०४:०५:४३ अपरान्ह
वि.सं २०७७ जेठ २३   शुक्रवार

पहिरोको जोखिममा विद्यालय

Voice Of Federal Nepal

लुम्विनी भ्वाइस (२०७६ साउन १९)
News Title

काठमाडौँ । विकट राजपुर गाउँपालिका–७ भैसाही नाकाको एक विद्यालयको भवन भत्किएको छ । यही साउन ११ गते विद्यालय माथिबाट आएको भेलले गौरीशङ्कर मावि भैसाहीको सात कोठे भवनको बीचको कोठा भत्काएको छ । उक्त कोठा भत्किएसँगै त्यो भवनका सबै कोठा जोखिममा रहेको विद्यालयका प्रधानाध्यापक टङ्क विकले जानकरी दिए। “विद्यालयको सात वटा कोठा भएको भवनको बीचको कोठा भेलले भत्काएको छ”, उहाँले भन्नुभयो, “बीचको कोठानै भत्किएकाले अन्य सात वटा कोठा नै प्रयोग गर्न सकिने अवस्थामा छैन ।” विद्यालयका चारवटा भवनमध्ये सात वटा कोठा भएको भवन नै प्रयोग गर्न जोखिम भएपछि विद्यालयमा पठनपाठन गर्न समस्या भएको विकको भनाइ छ । “सात वटा कोठा भएको भवन नै भत्किएपछि हामीलाई कोठाको अभाव हुन्छ”, उहाँले भन्नुभयो, “यो वर्षात्को समयमा कसरी पठनपाठन गराउने भन्ने चिन्ता छ ।” अहिले विद्यालयको वर्षे बिदा भए पनि २७ गतेदेखि विद्यालय खुल्ने छ । तर भेलले विद्यालयको भौतिक संरचना नै भत्काएपछि पठनपाठन अवरुद्ध हुन्छ की भन्ने चिन्ता आफूहरुमा रहेको प्रधानाध्यापक विकले बताए । विगतका वर्षहरुमा पनि माथिबाट विद्यालयमै भेल बग्ने गरेको भए पनि यस वर्ष भने क्षति नै पु¥याएको स्थानीय युवा भीम ओलीले बताए। “विगतमा पनि यसरी नै माथिबाट भेल बग्ने गरेको थियो, तर त्यति क्षति पु¥याएको थिएन”, उहाँले भन्नुभयो, “तर यस वर्ष भने भेलले विद्यालयमा नै क्षति पु¥यायो ।” साथै विद्यालयको पर्खालसमेत बगाएको प्रअ विकले बताए। यस विषयमा जिल्ला प्रशासन कार्यालय, जिल्ला शिक्षा विकास तथा समन्वय एकाइ, गाउँपालिका कार्यालयलाई पनि जानकारी गराएको समेत प्रअ विकको भनाइ छ । तर अहिलेसम्म कुनै पनि निकायबाट विद्यालयको अवस्थाबारेमा चासो नदेखाइएको प्रअ विकले बताए । कक्षा १० सम्म सञ्चालित उक्त विद्यालय त्यस क्षेत्रकै एउटा मात्रै विद्यालय हो । अहिले उक्त विद्यालयमा २५० विद्यार्थीहरु अध्ययनरत् छन् । विसं २०३९ मा स्थापना भएको उक्त विद्यालयका केही पुराना भवन छन्, भने केही विसं २०६३ तिर निर्माण भएका भवन छन् । अहिले भत्किएको उक्त विद्यालय भूकम्पको समयमा समेत चर्किएको स्थानीय युवा ओलीको भनाइ छ । प्राय दाङको विकट क्षेत्रका रूपमा रहेका नाका क्षेत्रका विद्यालय यसरी नै पहिरोको जोखिममा रहेका छन् । विद्यालयभन्दा माथिबाट भेल बग्ने र त्यही भेलले विद्यालयलाई क्षति पुर्याउने गरेका छन् ।

यो समाचार तपाईंलाई कस्तो लाग्यो?

  • 0%
  • खुसी

  • 0%
  • अचम्मित

  • 0%
  • दुःखी

  • 0%
  • यस्तै हो

  • 0%
  • आक्रोशित

ताजा समाचार

सोती नरसंहार: जातीय भेदभावको पराकाष्टा 

यही २०७७ साल जेठ १० गते साँझ करीब ६ बजेतिर कर्णाली प्रदेशको पश्चिम रुकुम जिल्ला, चौरजहारी नगर पालिका वडा नम्बर ८ सोती गाउँमा जातीय भेदभावकै...

शनिबारसम्म देशका अधिकांश स्थानमा वर्षा हुने

काठमाडौं ।अरब सागरमा बनेको ‘निसर्ग’ चक्रवात कमजोर भइ बनेको न्यून चापीय क्षेत्रको प्रभावसँगै स्थानीय र पश्चिमी वायुको प्रभावले देशको अधिकांश स्थानमा शनिबारसम्म वर्षा हुने भएको...

खर्च व्यहोर्नेलाई होटल, अन्यलाई स्थानीय क्वारेन्टिन

काठमाडौं । विदेशबाट घर फर्कने काभ्रेलीका लागि जिल्लास्थित होटल तथा स्थानीय तहका क्वारेन्टिनको तयारी गरिएको छ । आफैँ खर्च व्यहोर्न सक्नेलाई सुविधासम्पन्न होटल क्वारेन्टिन तथा...

रुकुम घटनाबारे छानविन संसदीय विशेष समिति गठन

काठमाडौं । संसदले रुकुम पश्चिम घटनाबारे छानबिन गर्न संसदीय विशेष समिति गठन गरेको छ । शुक्रबार बसेको बैठकमा दलहरुसँग छलफल गरेर समिति सदस्य टुंगो लगाउनेगरि...

भारतमा एकैदिन ९ हजार ८५१ संक्रमित, २७३ को मृत्यु

नयाँदिल्ली । भारतमा कोरोनाभाइरसबाट संक्रमितको संख्या दिनप्रतिदिन बृद्धि हुदै गइरहेको छ । अघिल्ला दिनहरुमा भन्दा पछिल्ला दिनहरुमा दैनिक संक्रमितको संख्या बढ्दै गइरहेको तथ्यांकले देखाएको छ...