नेपाली समय: ०३:३०:४८ अपरान्ह
वि.सं २०७७ जेठ २३   शुक्रवार

रसुवा राजमार्ग खुला

Voice Of Federal Nepal

लुम्विनी भ्वाइस (२०७६ साउन २०)
News Title

काठमाडौँ । माथिबाट राजमार्गमा ठूलो ढुङ्गा लडेका कारण आज बिहान रसुवामा भएको सवारी दुर्घटनामा परी घाइते चालकको थप उपचारका लागि काठमाडौँ पठाइएका छन् । प्रहरी निरीक्षक एवं जिल्ला प्रहरी प्रवक्ता ईश्वरी भण्डारीका अनुसार घाइते हुनेमा सिन्धुपाल्चोक जिल्ला भोटेकोशी गाउँपालिका वडा नं ४ निवासी ३५ वर्षीय रामकुमार श्रेष्ठ रहेका छन् । उहाँको शरीरका विभिन्न भागमा चोट लागेको बताइएका छन् । चिनियाँ तयारी पोशाक लिई आउने क्रममा रसुवा जिल्ला गोसाइँकुण्ड गाउँपालिका–२ तातोपानी नजिक अन्तर्राष्ट्रिय राजमार्गको भिरमा ना३ख ५१७९ नम्बरको डिब्बा दुर्घटना हँुदा निज चालक श्रेष्ठ घाइते भएको प्रहरीले बताएका छन् । प्रहरी प्रवक्ता भण्डारीले भने, “गुडिरहेको डिब्बामा एक्कासी माथिबाट आएको ढुङ्गाले लाग्यो चालक अतालिएपछि डिब्बा पल्टिएर छेउमा पुग्यो धन्न भिरमा झरेन, तल झरेको भए धेरै तल पुग्थ्यो र ठूलो दुर्घटना हुनेथियो ।” मालवाहक कन्टेनर दुर्घटना भई सडकमै पल्टिएर आज बिहानैदेखिको अवरूद्ध राजमार्ग नेपाल प्रहरी, सशस्त्र प्रहरी बल, निर्माणाधीन रसुवागढी जलविद्युत् आयोजनाका उपकरण र नेपाली सेनासमेतको सहयोगले पल्टिएको मालवाहक उठाई आठ घण्टापछि राजमार्ग खुला गरिएको सीमा प्रहरी चौकी टिमुरेका प्रहरी निरीक्षक खेम नेपालले जानकारी दिए । भन्सार जाँचपास भएर काठमाडौँका लागि टिमुरेबाट बिहानै गुडेको उक्त नम्बरको मालवाहक सिलबन्दी कन्टेनर डिब्बा निर्माणाधीन रसुवागढी १११ मेगावाट जलविद्युत् आयोजनाको क्रेनको प्रयोगले राजमार्ग खुलाइएको प्रहरी प्रवक्ता भण्डारीले जानकारी दिए । विकटको भिर र साँघुरो राजमार्ग वर्षायाममा माथिबाट निरन्तर लडिरहने पहिरो क्षेत्र भएको सो स्थानमा अहिलेसम्म तीनवटा घटना भइसक्दा पनि पहिरो रोकथाम गर्ने पहल नहुँदा रोङ्गाखोला रसुवागढी क्षेत्रका १६ किलोमिटर क्षेत्रमा सवारी साधन चलाउन दिनप्रतिदिन जोखिम बढ्दै गएको सवारी चालकले बताएका छन् । सो स्थान पुग्ने सवारी साधनलाई माथिबाट झरिरहने ढुङ्गाले हिर्काएका कारण यही साउन ११ गते दुई जनाको मृत्यु हुनुका साथै सात जना घाइते भएका थिए ।

यो समाचार तपाईंलाई कस्तो लाग्यो?

  • 0%
  • खुसी

  • 0%
  • अचम्मित

  • 0%
  • दुःखी

  • 0%
  • यस्तै हो

  • 0%
  • आक्रोशित

ताजा समाचार

शनिबारसम्म देशका अधिकांश स्थानमा वर्षा हुने

काठमाडौं ।अरब सागरमा बनेको ‘निसर्ग’ चक्रवात कमजोर भइ बनेको न्यून चापीय क्षेत्रको प्रभावसँगै स्थानीय र पश्चिमी वायुको प्रभावले देशको अधिकांश स्थानमा शनिबारसम्म वर्षा हुने भएको...

खर्च व्यहोर्नेलाई होटल, अन्यलाई स्थानीय क्वारेन्टिन

काठमाडौं । विदेशबाट घर फर्कने काभ्रेलीका लागि जिल्लास्थित होटल तथा स्थानीय तहका क्वारेन्टिनको तयारी गरिएको छ । आफैँ खर्च व्यहोर्न सक्नेलाई सुविधासम्पन्न होटल क्वारेन्टिन तथा...

रुकुम घटनाबारे छानविन संसदीय विशेष समिति गठन

काठमाडौं । संसदले रुकुम पश्चिम घटनाबारे छानबिन गर्न संसदीय विशेष समिति गठन गरेको छ । शुक्रबार बसेको बैठकमा दलहरुसँग छलफल गरेर समिति सदस्य टुंगो लगाउनेगरि...

भारतमा एकैदिन ९ हजार ८५१ संक्रमित, २७३ को मृत्यु

नयाँदिल्ली । भारतमा कोरोनाभाइरसबाट संक्रमितको संख्या दिनप्रतिदिन बृद्धि हुदै गइरहेको छ । अघिल्ला दिनहरुमा भन्दा पछिल्ला दिनहरुमा दैनिक संक्रमितको संख्या बढ्दै गइरहेको तथ्यांकले देखाएको छ...

विदेशबाट उद्धार गरिएकालाई राख्न ‘होल्डिङ सेन्टर’

काठमाडौं । विदेशबाट उद्धार गरेर ल्याइने नागरिकलाई राख्न उपत्यकामा सात ‘होल्डिङ सेन्टर’ तयार गरिएका छन् । दुई भने जगेडामा राखिएका छन् ।  विदशेबाट आएर सम्बन्धित...