नेपाली समय: ०३:५९:४० बिहान
वि.सं २०७६ कार्तिक ५   मंगलवार

पूर्वमाओवादीका 'महरा सर' माथिको विश्वास फेरि पहिले जस्तै फर्केला ?

लुम्विनी भ्वाइस (२०७६ आश्विन १६)
News Title

विश्वासको घेराभित्र रहेर काम गरेका महरा र प्रचण्डबीचको सम्बन्ध अब कस्तो रहला ? महरालाई लागेको आरोपको स्वतन्त्र पुष्टि होला ? प्रचण्डले फेरि पनि महरालाई विश्वास गर्ने वातावरण आउला ? यी यस्तै विभिन्न कुराहरु महराका शुभचिन्तक र प्रचण्ड स्वंयलाई अनुभुति हुने कुराहरु हुन् । जनयुद्धले गाँसेको सम्बन्ध शान्ति प्रक्रियाको टुंगो नलाग्दै विश्राम लाग्ला ? यो भने हेर्न बाँकी नै छ ।

काठमाडाैं । नेपाल कम्युनिष्ट पार्टी पार्टी (नेकपा)का नेता तथा निवर्तमान सभामुख कृष्णबहादुर महरामाथि एकाएक बज्रपात आइलाग्यो । बज्रपात सामान्य थिएन । गम्भीर प्रकारको अपराध मानिने बलात्कार जस्तो जघन्य आरोपको सामना गर्नुपर्यो जसका कारण उनले पदबाट राजीनामा दिए । 

महराले दिएको राजीनामाले नेकपामा मात्रै नभएर सम्पूर्ण मिडिया जगतदेखि राजनीतिक दलसम्म तरङ्ग पैदा भयो । अझ नेकाप भित्र त केहि उच्च तहका नेताहरुले महराको राजीनामा सांसदबाट समेत आउनु पर्ने तर्क दिन भ्याए । नेकपाकै दलका उपनेता तथा पूर्वसभामुख सुवास नेम्वाङले नेकपाले महरालाई नचिन्ने गैरजिम्मेवारपूर्ण अभिव्यक्ति समेत दिए । जसमा उनको राजीनामापछि सभामुख पद् मात्रै नभएर उनको सांसद पद समेत गुमेको र पार्टीले उनलाई सांसदको रुपमा समेत नचिन्ने धारणा सार्वजनिक गरे । तर, नेकपाका शिर्ष तहका नेताहरुले केहि शिर्ष तहका नेताहरुले भने महराले नैतिकताको आधारमा राजीनामा दिइसकेपछि अन्य कुरा गाैण रहेको तर्क अगाडी सारे । जसकारण महराले सभामुखबाट मात्रै राजीनामा दिए ।

याैन दुराचारको आरोप लागेपछि महरा माैन रहे । महरा प्रायःजस्तो विवादमा आउँदा माैन बस्ने गर्छन् । यो उनको पुरानै बानी हो । प्रचण्डका विश्वास पात्र मानिने महरा पूर्वमाओवादी खेमाबाट लाभको पद लिने नेताहरुको अग्रपंक्तिमा आइपुग्छन् । प्रचण्डले किन महरालाई सधै सत्ताको साक्षी बनाउछन यो भने प्रचण्डले आजसम्म खुलाएका छैनन् । यद्यपी प्रचण्डलाई नजिकबाट चिन्ने एक नेताका अनुसार महरा पार्टीप्रति जिम्मेवार र शालिन नेताको रुपमा चिनिन्छन् । अझ उनी पूर्वमाओवादी खेमामा महरा सरको उपमाले परिचित छन् । 

तीनै महरा सर एकाएक कसरी भए भिलेन ? यो एक अनुत्तरीत प्रश्न हो । यद्यपी महरालाई लागेका आरोपहरु आजसम्म स्वतन्त्र पुष्टि हुन भने सकेका छैनन् । बलात्कार प्रकरणमा महराको नाम जोडिएपछि विभिन्न टिकाटिप्पणी छरपस्ट रुपमा बाहिर आएका छन् ।

कतिपयले महराले सत्ताको दुरुपयोग गरेर पीडित भनिएकी रोशनी शाहीलाई प्रभावमा पारेको समेत जनाउन थालेका छन् । तर, शाहीले एकाएक आफ्नो बयान फेरेर महरा आफ्नो बाउ समानको मान्छे भएको भन्दै बलात्कार प्रकरणबारे समाचचार ब्रेक गर्ने हाम्राकुरा डटकमका सम्पादक अजयबाबु सिवाकोटीलाई रअको एजेन्ट भन्न समेत भ्याएकी छन् । आफ्नो श्रीमान र आफूलाई ज्यान मार्ने धम्की आएपछि बाध्य भएर आफूले महराको बारेमा गलत र भ्रामक प्रचार गरेको भन्दै रोशनिले भन्न थालेकी छन् । चित्रजंग शाही (रोशनीका श्रीमान)ले महराको बारेमा बाहिर आएका कुराहरुमा सत्यता नभएको भन्दै यसबारे धेरैले उचाल्न खोजेको आरोप लगाएका छन् । यद्यपी आज रोशनी र चित्रजंगले भने २८ वर्षे वैवाहिक सम्बन्धलाई ब्रेक लगाउने निर्णय गरेका छन् । दुबैले हस्ताक्षर गरेको सानो चिटमा आफूहरुले सम्बन्ध विच्छेद गर्न लागेको जानकारी गराइसकेका छन् । भने, रोशनीले प्रहरीमा गएर महराबाट कुनै किसिमको दुर्व्यवहार नभएको भन्दै निवेदन समेत दिइसकेकी छन् । 

दुई पटक भिडियो अन्तरवार्ता दिएकी रोशनीले पहिलो पल्ट बलात्कार गरे भनेर महरालाई आरोप लगाएकी थिइन भने, दोश्रो पटक बाउ समानको मान्छेको दर्जा दिएकी छन् । रोशनीले लगातार आफ्नो फेसबुक अकाउन्टमा विभिन्न पोस्टहरु लेख्दै महराले केहि गल्ती नगरेको र किटानी जाहेरी नदिएसम्म प्रहरीले कसरी अनुसन्धान गर्छ भनेर प्रश्न समेत उठाएकी छन् । आफू डिप्रेशनको सिकार भएको भन्दै नियमित आैषधी सेवन गर्दै आएको र केहि दिनदेखि आैषधी सेवन नगरेकाले यस्तो हुन गएको टिप्पणी समेत छ । यसमा विभिन्न कानुनी बाटाहरु छन्। जसले स्वतन्त्र, निष्पक्ष हनुसन्धान छानविन गरेर अदालतले निर्णय गर्ला । तर, दुबै भिडियो बयानलाई हेर्ने हो भने कैफियत भने देखिन्छ नै । रोशनीलाई बाध्यतामा पारियो की भन्ने आधार भने शून्य भएको मान्न सकिदैन् । उनका श्रीमानले समेत महराबाट यस्तो काम हुनै नसक्ने भन्दै याैन दुराचारबारे बोल्नै नचाहेको जनाउदै आएका छन् । 

महरा तत्कालीन माओवादीबाट उदाएका एक खम्बा हुन् । प्रचण्डलाई मोहन बैद्य 'किरण' देखि डा. बाबुराम भट्टराई, विप्लवहरुले छाडेर जाँदासम्म साथ दिइरहने नेता महरा प्रचण्डको वरिपरि नै घुमे र रहे । पार्टी विभाजनपछि बाबुराम भट्टराई र नारायणकाजी श्रेष्ठसँगको अन्तरसंघर्षको बेला समेत महराले प्रचण्डलाई खुलेरै समर्थन सहयोग गरे । अर्का दिवंगत नेता पोष्ट बहादुर बोगटी 'दिवाकर' र महरा प्रचण्डका नजिकका नेता मानिन्थ्ये । उनीहरु जस्तोसुकै परिस्थितिमा पनि प्रचण्डलाई साथ दिने अप्ठेरो पर्ने स्थानमा समस्या समाधानका निम्ति तयार हुने नेताहरुमा पर्छन् । प्रचण्डले बोगटी स्मृति दिवसमा समेत उनलाई पार्टीले अप्ठेरो परेको स्थानमा खटाउने गरेको जनाइसकेका छन् । 

विश्वासको घेराभित्र रहेर काम गरेका महरा र प्रचण्डबीचको सम्बन्ध अब कस्तो रहला ? महरालाई लागेको आरोपको स्वतन्त्र पुष्टि होला ? प्रचण्डले फेरि पनि महरालाई विश्वास गर्ने वातावरण आउला ? यी यस्तै विभिन्न कुराहरु महराका शुभचिन्तक र प्रचण्ड स्वंयलाई अनुभुति हुने कुराहरु हुन् । जनयुद्धले गाँसेको सम्बन्ध शान्ति प्रक्रियाको टुगो नलाग्दै विश्राम लाग्ला ? यो भने हेर्न बाँकी नै छ ।

सभामुख पद रिक्त भइसंगै सभामुख पदका लागि नयाँ निर्वाचनका कुराहरु समेत बाहिर आउन थालिसकेका छन् । पूर्वमाओवादीको कोटामा परेको सभामुख पद फुस्किएको भन्दै पूर्वसभामुख नेम्वाङले समेत चासो देखाएको भन्ने कुराहरु आउन थालेका छन् । तर, माओवादीको कोटामा परेको सभामुख पदका लागि नेकपाबाट देव गुरुङ, हरिबोल गजुरेल, पम्फा भुसाल र लेखराज भट्टको चर्चा हुन थालेको छ । तर, अड्चन भने कायमै छ । संविधानमा व्यवस्था भएअनुसार संविधानको धारा ९१ (२)मा एउटै दलबाट सभामुख उपसभामुख हुन नपाइने व्यवस्था रहेको छ । यसकारण नेकपामा सकस देखा परेको हो । उपसभामुख रहेकी शिवमाया तुम्बाहाम्फे सभामुखको प्रमुख दावेदारको रुपमा आएकी छन् ।

महराको राजनीतिक उचाईमाथि कालो बादल मडारिरहेको छ । महराको जीवनकालमा विवाद र चर्चा सामान्य जस्तै थिए । तर, यो पटकको विवाद भने असामान्य नै देखिन्छ । हाइ प्रोफाइल व्यक्ति याैन दुराचार प्रकरणमा मुछिएको सायद यो नै पहिलो घटना हो नेपाली राजनीतिमा । यसर्थ महरा संकटको घेरामा मात्रै छैनन् । उनी ठूलो अग्नी परिक्षाको घडिमा छन् । जसले उनलाई कता तिर लैजान्छ भनेर यसै भन्न सकिन्न । 

चार दशक कम्युनिष्ट आन्दोलनमा जीवन समर्पित गरेका महरा २०४८ सालमा नेकपा (मसाल)को जिल्ला सेक्रेटरी भएलगत्तै सोही वर्ष प्रतिनिधिसभा सदस्यमा निर्वाचित भएका थिए । जतिबेला उनि मात्रै ३२ वर्षका थिए । उनको राजनीतिक जीवन वेगमा चल्न थाल्यो । २०५० सालमा उनी संयुक्त जनमोर्चाको संसदीय दलको नेता बन्न सफल भए । जनमोर्चाको विभाजनपछि तत्कालीन माओवादीले जनयुद्धको थालनी गर्यो त्यो बेला महरा केन्द्रिय सदस्य पनि थिएनन् । 

कुटिल चाल चल्न सक्ने नेता महराले माोवादीको केन्द्रिय सदस्यमा २०५३ सालमा प्रवेश पाए । तर, उनीभन्दा पहिले हरिबोल गजुरेल, देव गुरुङ, पम्फा भुसाल, टोपबहादुर रायमाझी, लोकेन्द्र विष्ट, मातृका प्रसाद यादव लगायतका नेताहरु केन्द्रिय समितिमा थिए । सापकोटा र रायमाझी सदस्य रहेको नेताहरुको नेतृत्व गर्दै उनी सरकारसँगको पहिलो वार्ता टोलीको संयोजक बनेर आए ।

जनयुद्धमा निरन्तर लागेका महरा एकपछि अर्को छलाङ मार्दै माओवादीमा प्रभाव मात्र जनाउन सफल भएनन् । पार्टी अध्यक्ष प्रचण्डको विश्वास समेत जित्न सफल रहे । पार्टी प्रवक्ताको जिम्मेवारी सम्हालीसकेका उनलाई हेटौडा महाधिवेशनमा महासचिवको रुपमा अर्थ्याइएको समेत पूर्वमाओवादीका नेताहरुले बेलाबेलामा भन्ने गरेका छन् । यसरी उकालो लाग्दै गरेको महराको राजनीतिक कद याैन दुराचारको आरोपले भने सर्लक्कै झारिदियो ।

पछिल्लो समय विकशित घटनाक्रमले महराको संलग्नता नरहेको पुष्टि गर्दै आएको छ । पीडित भनिएकी महिला रोशनीले महरामाथि लगाएका आरोपहरु आफु डिप्रेसनको सिकार हुनु नै मुख्य कारण रहेको उनले जनाउदै आएकी छन् । योजनाबद्ध ढंगले आफूलाई केहि मान्छेले प्रयोग गरेर महराका विरुद्ध बोल्न लगाएको भन्दै उनले आत्मग्लानी समेत गर्न थालेकी छन् । 

टेप प्रकरणमा पार्टीको आन्तरिक सर्कुलरमा रहेर महराले डिल गरेको भन्ने कुरा गाईँगुइ सुनिएपनि महरा आफुले यसबारे आजसम्म जवाफ दिने कोसिस गरेका छैनन् । उनी यो विषयबाट टाढै रहन्छन् । तर, यी यस्ता विभिन्न आरोपले नगलेका महरालाई याैन दुराचारको आरोपले भने बर्लिनको पर्खाल ढले झैं गर्ल्यामगुर्लुम ढालिदिएको छ ।

यो समाचार तपाईंलाई कस्तो लाग्यो?

  • 4%
  • खुसी

  • 32%
  • अचम्मित

  • 56%
  • दुःखी

  • 4%
  • यस्तै हो

  • 4%
  • आक्रोशित

ताजा समाचार

राष्ट्रियसभा अध्यक्ष तिमिल्सिना स्वदेश फिर्ता

काठमाडौं । राष्ट्रियसभाका अध्यक्ष गणेशप्रसाद तिमिल्सिना सर्बियाको बेलग्रेडमा आयोजित अन्तरव्यवस्थापिका सङ्घ (आइपीयू) को १४१औँ सम्मेलनमा सहभागी भई आज स्वदेश फर्केका छन्। सम्मेलनमा अध्यक्ष तिमिल्सिनाले ‘अन्तर्राष्ट्रिय...

विप्लव नेकपाका नेता कुमार पाैडेलको हत्या भएको मानव अधिकार आयोगको ठहर

काठमाडाैं । सर्लाहीमा मारिएका कुमार पाैडेल दोहोरो भिडन्तमा नभएर गोली हानेर मारिएको राष्ट्रिय मानव अधिकार आयोगले ठहर गरेको छ ।   विप्लव नेतृत्वको नेकपाका सर्लाही...

उपनिर्वाचनका लागि मुख्य निर्वाचन अधिकृत खटाइयो

काठमाडौं । निर्वाचन आयोग, नेपालले आगामी मङ्सिर १४ गते हुने उपनिर्वाचन कार्यक्रम सञ्चालन तथा व्यवस्थापनका लागि मुख्य निर्वाचन अधिकृत र निर्वाचन अधिकृत खटाएको छ ।...

महरा सर ! जनयुद्ध, शान्ति प्रक्रिया, सभामुख हुँदै बलात्कार आरोपीसम्म !

काठमाडाैं । निवर्तमान सभामुख कृष्णबहादुर महरा प्रकरणमा प्रत्येक दिन नयाँ रहस्य खुल्दै गएका छन् ।  घटनाक्रमको विकासलाई हेर्दा उनीमाथि षडयन्त्र भएको भन्न सकिने आधारहरु प्रशस्त...

म्यान्मार भ्रमणबाट दुई देशको सम्बन्ध अझ प्रगाढ: राष्ट्रपति

काठमाडौं । राष्ट्रपति विद्यादेवी भण्डारीले आफ्नो राजकीय म्यान्मा भ्रमणबाट नेपाल र म्यान्मारका जनताबीचको घनिष्ठ सम्बन्ध अझ प्रगाढ भएको बताएकी छन् । म्यान्मार गणतन्त्र सङ्घका राष्ट्रपति ऊ...