नेपाली समय: ०९:०२:२२ राती
वि.सं २०७७ जेठ १९   सोमवार

महरामाथि सरकारले देखाएको तदारुकता शेरधन राई र विष्णु पाैडेलमाथि किन देखाउदैन ?

नेकपा विधिको शासनको कुरा गरेर नेताहरुमाथि अन्यायको चाङ थुपार्न खोज्दैछ

Voice Of Federal Nepal

लुम्विनी भ्वाइस (२०७६ आश्विन २२)
News Title

काठमाडाैं । नेपाल कमयुनिष्ट पार्टी (नेकपा)को पार्टी जीवनमा केहि उतारचढाब यति छिट्टै आए की जसका कारण दशैंको मुखमा आम नेताहरु खुलेर बोल्न लेख्न सकेका छैनन् । 

नेपालको इतिहासमा सबैभन्दा ठूलो गैरराजनीतिक पक्राउ कार्यक्रम थियो । राजनीतिले कोल्टे फेरेजस्तै अनुभव हुन थालेको थियो । परस्पर विरोधाभासपूर्ण कुराहरुले नेपली राजनीति तरंगित बन्दे थियो । फेसबुक लगायत सामाजिक सञ्जालका इबक्सहरुमा यस्ता म्यासेजहरु आउन थाले जो कुरा बाहिर पोस्ट गर्दा ठूलै भुकम्प उत्पन्न हुन्थ्यो । यो परिघटना अरु केहि नभएर थियो निवर्तमान सभामुख कृष्णबहादुर महरा पक्राउ प्रकरण । 

राजनीतिक रुपमा यसरी पक्राउ पर्नेमा प्रधानमन्त्री भइसकेका मान्छे पनि थिए होलान । तर, महरा भने राजनीतिक रुपमा नभएर जघन्य अपराधको रुपमा मानिएको बलात्कार प्रकरणमा पक्राउ परेका थिए । जनयुद्ध थाल्दा पर्दा पछाडीबाट कुटिल चाल चल्न सक्ने नेता यस्तो घृणित कुरामा पक्राउ परेको सुन्दा आमरुपमा मानिसलाई उनीबाट यस्तो काम भयो भनेर विश्वास लाग्ने संभावना कम थियो । तर, हाम्रा मिडियादेखि देशी विदेशी तत्वहरु यो प्रकरणलाई अन्तराष्ट्रियकरण गरेरै भएपनि महराको राजनीतिक कदलई ढाल्न चाहन्थ्ये । केहि हदसम्म सफल भए पनि । 

एउटी डिप्रेशनको सिकार भएकी महिलाले महरालाई बलात्कार प्रयासको आरोपमा प्रहरीमा मुद्धा दायर गरेकी थिइन् । जसका कारण रातारात महराका विरुद्ध विभिन्न शक्तिकेन्द्रहरु चलमलाए । अन्ततः उनलाई हिरासतको कालो कोठरीमा लैजान सफल भए । घटना चरणबद्धरुपमा अगाडि बढ्दै छन् । नजिकबाट नियाल्दा समेत यो घटनाले मनमा चिसो पसाल्छ नै । महराको स्वास्थ्य स्थिति समेत ककमजोर बन्दे गएको छ । श्वासप्रश्वास प्रक्रियादेखि ब्लड प्रेसर सम्म असन्तुलित बनेको छ भने दशैंको दिन उनी हिरासत मै जीवन काट्न बाध्य बनाइए । जुन शासन व्यवस्था ल्याउन ज्यानको बाजी लगाएर लडे त्यहि शासन व्यवस्थाले आज उनलाई दोषी करार गर्ने ध्याउन्नमा छ । विधिको शासनको कुरा गर्दै उनीमाथि विभिन्न चालबाजीहरु चलिदैछन् । हेराैं त्यो श्रृङखला कहिले सम्म चल्छ र चल्नेछ ।  

यी यति कुरा गरिसकेपछि आन्तरिक पार्टी जिवनबारे केहि कुरा गर्नु सान्दर्भिक हुनेछ भन्ने सोचेर केहि वृतान्त राख्ने जमर्को गरें । नेकपामा दुधले नुहाएका नेताहरुको खोजी हुनु जरुरी जस्तै बन्न पुगेको देखिने गरि महरा प्रकरणमा देखिएको दृश्यका कारण पार्टीको आन्तरिक कुरा खोतल्ने कोसिस गरेको हुँ । 

केहि समय पहिलेदेखि प्रदेश १ का मुख्यमन्त्री शेरधन राईका विरुद्ध तत्कालीन नेकापका एमाले नेतृ समेत रहेकी बालिका खड्काले आफूमाथि याैन हिंसा भएको भन्दै पार्टीका विभिन्न स्थान र तहमा निवेदन दिइन् । आजपनि उनले राईले आफूमाथि याैन हिंसा गरेको भन्ने कुरा गरिराखेकी छन् । राईले आफूमाथि गरेको हिंसाको कुरा राष्ट्रपति विद्यादेवी भण्डारीलाई समेत जानकारी गराएको वताउदै आएकी छन् । तर, पार्टीले मुख्यमन्त्री राईलाई शक्तिको एउटा पीठ जस्तै गरेर राखेको छ । पार्टीका कुनै बैठक वा भेलामा यस्ता कुराले स्थान पाउदैनन् । 

पाउने आधार नै नभएको त पक्कै होइन होला । उनीमाथि पनि महरालाई लागेको जस्तै आरोप लागेको छ । उनी दुधले नुहाएको जस्तै मुख्यमन्त्री पदमा बस्न सफल भएका छन् । उनलाई हुक गर्ने नेताहरु कुर्सीमा मात्रै छैनन् । शक्तिमा समेत छन् । राईमाथि ठुला भनिएका नेताहरुको आशिर्वाद छ । उनीबारे धेरै बोलेर जोखिम मोल्ने दुस्साहस कसले गर्ने । 

अर्को कुरा पार्टी कै महासचिव विष्णु पाैडेलको कुरा पनि प्रष्टै छ । बालुवाटार सरकारी जग्गा प्रकरणमा उनको नाम मात्रै जोडिएको होइन । उनले जग्गा किनेर बेच्न समेत भ्याइसकेका छन् । स्रोतका अनुसार महासचिव पाैडेलले जग्गा सेटिङ मिलाइ दिए वापत वकस पाएका हुन रे । जे सुकै होस्, उनले सरकारी जग्गामाथि खेलवाड गरेकै हुन् । तर, उनले आजसम्म कुनै अपराध गरेको भनेर नेकपामा कसैले भन्न समेत सकेको छैन् । उनी शक्ति र सत्ताको वरिपरी छन् । उनलाई वचाउ गर्ने माथिल्लो तहमा बसेका छन् । देश विदेशीको आँखाको कसिङगर बनेका छैनन्  ।

राष्ट्रप्रतिको घात थियो पाैडेल प्रकरण । उनले शक्तिशाली मान्छे बस्ने स्थान ओगटेर बसेका थिए । किनवेच गरेर आम्दानि समेत गरेका थिए । तर, यसका लागि वनेको छानविन समितिले उनको नामको कुनै छेउटुप्पो समेत लेखेन । समितिलाई पनि डर हुँदो हो । यीनका बारेमा कतै उल्लेख गरेपछि फेरि बन्ने समितिमा नपरुँला । 

यसरी एकपछि अर्को बदमासी र दुस्साहसपूर्ण घटनामा नेताहरुको नाम जोडिएपनि किन महरा मात्रै छानविनका लागि योग्य भए ? के उनी पूर्वमाओवादी भएकै कारण निशानामा परे ? जनयुद्धलाई शान्ति प्रक्रियामा लैजान पहल गर्ने नेता भएका कै कारण परे ? इन्डोप्यासिफिक सम्झाैतालाई अगाडी लैजान नचाहेको कारण या अन्य कुनै कारण ? की पूर्वएमाले नभएका कारण ? यसको जवाफ समयले खोज्ला समयलाई नै छाडिदिउँ । तर, समयले यति मात्रै त पक्कै नखोज्ला ? पार्टीभित्र र बाहिर भएका कयाैं गलत कामहरुको खोजी त गर्ला नी ।

दशैंको मुखमा पक्राउ परेका महराका कारण अहिले नेकपाका नेता मात्रै नभएर केहि थान मन्त्रीहरु समेत भन्न थालेका छन्, देख्याै ! नेकपाको सरकार गणतन्त्र स्थापना गर्न पद हेर्दैन । मान्छेले गरेको गल्ती र कसुरलाई प्राथमिकता दिन्छ । यसैमा ती मनुवाहरुलाई भन्न मन छ । खोई शेरधन राई, महासचिव विष्णु पाैडेलमाथि छानविन गरेको ? तिम्रा हावादारी कुरा बन्द गर । तिमिपनि कतैबाट परिचालित छाै । महरालाई मात्रै देख्छाै । महरा बाहेक अरु त तिम्रा प्रिय नेताहरु परिहाले नी होइन ?

नेपाल प्रहरीले देखाएको चासोलाई ठिक मान्न सकिएला । तर, आदेशको शिरोपर गर्नका लागि जसरी सत्ताकासामू लम्पसार पर्यो त्यसले उनको चरित्र समेत उदांगो पारिदिएको छ । अझ भन्नुपर्दा आइजीपीको जागिर समेत धरापमा छ । उनीमाथि अख्तियारले अनुसन्धान गरिरहेको छ । उनी यतिबेला सत्तालाई लोभ्याउने प्रयत्नमा छन् । सत्ताले भनेको कुरा प्रमाणित गेर देखाउन तल्लिन छन् । उनलाई यो थाहा छैन की आफै कतिबेला यसरी नै हिरासत जान पर्ने हो या जागिरबाट हात धुन पर्ने हो भनेर ।

महरालाई जेल हाल, स्वतन्त्र छानविन गर, दोषी प्रमाणित भएको खण्डमा अरुलाई भन्दा केहि समय धेरै जेल हाल, उनले अपराध गरेका रहेछन भने एउटा उदाहरण बनाएर देखाउ तर, सत्ता शक्ति र बाह्य चलखेलको इसारामा व्यक्तिलाई सखाप पार्ने खेल बन्द गर । अनि पार्टीमा एकपटक शेरधन र विष्णुमाथि यसरी नै कदम चाल । अनि छातीमा हात राखेर भन्नेछु । देख्याै नेकपाले कानुनको पालना गर्न भन्दा अरु केहि जान्दैन् । पूर्वमाओवादी पूर्वएमाले भनेर विभेद गर्दैन् । पार्टी एकता भइसक्यो । केहि थान नेताहरुको मन र पद मात्रै एकता भएको छैन् ।

लेखक रविन गुरुङ नेकपा काठमाडाैं जिल्ला कमिटी सदस्य हुन् । 

यो समाचार तपाईंलाई कस्तो लाग्यो?

  • 65.22%
  • खुसी

  • 7.25%
  • अचम्मित

  • 7.25%
  • दुःखी

  • 14.49%
  • यस्तै हो

  • 5.8%
  • आक्रोशित

ताजा समाचार

कोरोना भाइरसबाट विश्वमा ३ लाख ७४ हजार भन्दा बढीको मृत्यु, ६२ लाख ७८ हजार संक्रमित

जेनेभा । कोरोना भाइरस (कोभिड १९) बाट विश्वभर मृत्यु हुने व्यक्तिको संख्या ३ लाख ७४ हजार १५७ पुगेको छ भने, संक्रमितको संख्या ६२ लाख ७८...

आज फेरी थप ३५ जनामा देखियो कोरोना संक्रमण

काठमाडौं । नेपालमा आज फेरी थप ३५ जनामा कोरोना संक्रमण देखिएको छ । सुर्खेत १६, दैलेख ९, सल्यान ९ र अछाममा १ जना गरेर ३५...

कोरोना जोखिम हुन नदिन बाजुरामा उच्च सतर्कता

धनगढी । कोरोना भाइरस (कोभिड–१९) बाट सङ्क्रमित एक बालिकाको मृत्यु भएपछि बाजुरा जिल्लामा उच्च सतर्कता अपनाइएको छ । जिल्ला प्रवेश गर्ने सबै नाकामा जाँचलाई कडाइ...

‘संविधानमा निःशुल्क शिक्षा, बजेटमा छैन’

काठमाडौं । राष्ट्रियसभाका सांसदले संविधानले दलित समुदायका बालवालिकालाई छात्रवृत्तिसहित निःशुल्क शिक्षाको व्यवस्था भए पनि बजेटमा उल्लेख नभएकामा गुनासो गरेका छन् । सभाको आजको बैठकमा आगामी...

रुपन्देहीकोे भीम अस्पतालबाट २५ संक्रमित डिस्चार्ज

रुपन्देही । रुपन्देहीकोे भीम अस्पतालमा उपचारार्थ भर्ना भएका २५ कोरोना संक्रमित निको भएर घर फर्किएका छन् । गैँडहवा गाउँपालिकाका दश, लुम्बिनी सांस्कृतिक नगरपालिका र कपिलवस्तुका...