995
Shares
काठमाडौं । नेकपा (एमाले)ले आज संसदीय दल र सचिवालय दुवै बैठक बोलाएको छ । संसदीय दलको बैठक दिउँसो २ बजे पार्टी केन्द्रीय कार्यालय च्यासलमा बस्ने तय गरिएको छ ।
त्यसैगरी, एमालेले आजै पार्टी सचिवालय बैठक पनि बोलाएको छ । सचिवालय बैठक साँझ ६ बजे पार्टी अध्यक्ष केपी शर्मा ओली को निवास गुण्डुमा बस्नेछ ।
सम्पत्ति शुद्धीकरणसम्बन्धी मामिलामा पार्टी उपाध्यक्ष विष्णु प्रसाद पौडेल पक्राउ परेपछि एमालेले महत्वपूर्ण राजनीतिक छलफलका लागि यी बैठकहरू बोलाएको हो ।
पूर्वअर्थमन्त्रीसमेत रहेका पौडेललाई प्रहरीले सोमबार सुर्खेतबाट पक्राउ गरेको थियो । घटनापछि पार्टीभित्रको अवस्थाबारे रणनीति तय गर्न एमालेले उच्चस्तरीय बैठकहरू आह्वान गरेको बताइएको छ ।