रसुवामा सडक सञ्जाल विच्छेद भएपछि सुत्केरी र नवजात शिशुको उद्धार
1.5k
Shares
काठमाडौं । बाढीका कारण सडक सञ्जाल विच्छेद भएपछि रसुवामा एक सुत्केरी महिला र नवजात शिशुको हेलिकोप्टरमार्फत उद्धार गरिएको छ।
रसुवाको आमाछोदिङ्मो गाउँपालिकाबाट उनीहरूलाई उद्धार गरी उपचारका लागि काठमाडौं ल्याइएको हो। बाढीका कारण सडक तथा यातायात सम्पर्क टुटेपछि सुत्केरी महिला र शिशुलाई समयमै स्वास्थ्य संस्थासम्म पुर्याउन समस्या भएको थियो।
बाढीका कारण रसुवाका विभिन्न क्षेत्रमा सडक, पुल तथा अन्य पूर्वाधारमा क्षति पुगेपछि प्रभावित नागरिकलाई आवतजावत तथा उपचारका लागि स्वास्थ्य संस्था पुग्न कठिनाइ भइरहेको छ।
यस्तो अवस्थामा जोखिममा रहेका बिरामी, गर्भवती, सुत्केरी तथा नवजात शिशुको उद्धारलाई प्राथमिकता दिँदै हेलिकोप्टरलगायतका वैकल्पिक माध्यम प्रयोग भइरहेको छ। प्रभावित क्षेत्रमा उद्धार तथा राहत कार्यलाई थप प्रभावकारी बनाउन स्थानीय प्रशासन र सुरक्षा निकाय सक्रिय छन्।