1.1k
Shares
काठमाडौं । देशको पछिल्लो राजनीतिक अवस्था तथा समसामयिक विषयमा छलफल गर्न सिंहदरबारमा सर्वदलीय बैठक बसिरहेको छ।
बैठकमा संसद्मा प्रतिनिधित्व गर्ने विभिन्न राजनीतिक दलका शीर्ष नेता तथा प्रतिनिधिहरू सहभागी छन्। बैठकमा पछिल्लो राजनीतिक घटनाक्रम, सरकारका कामकारबाही तथा मुलुकका समसामयिक विषयमा छलफल हुने बताइएको छ।
दलहरूबीच संवाद र सहकार्यका माध्यमबाट देखिएका राजनीतिक तथा राष्ट्रिय समस्याको समाधान खोज्ने विषयमा पनि बैठक केन्द्रित रहने जनाइएको छ।
बैठकमा सहभागी नेताहरूले आ–आफ्ना धारणा राख्दै राष्ट्रिय हितका विषयमा साझा समझदारी निर्माण गर्नुपर्नेमा जोड दिने अपेक्षा गरिएको छ। बैठकपछि छलफलका विषय र निष्कर्षबारे थप जानकारी सार्वजनिक गरिने बताइएको छ।