धरानका मेयरको कार्यालयमा अनशन बसेका विद्यार्थीलाई कसले सुनायो अन्तिम फैसला?

1.2k Shares

धरान । शिक्षक पदपूर्तिको माग गर्दै धरान उपमहानगरपालिकाका कार्यवाहक नगर प्रमुखको कार्यालयमा अनशन तथा धर्नामा बसेका विद्यार्थीको आन्दोलन निर्णायक मोडमा पुगेको छ। लामो समयदेखि विद्यालयमा शिक्षक अभाव हुँदा पठनपाठन प्रभावित भएको भन्दै विद्यार्थीहरूले तत्काल शिक्षक नियुक्तिको माग गर्दै आन्दोलन थालेका हुन्।

धरान–११ स्थित ज्ञानोदय माध्यमिक विद्यालय र धरान–६ स्थित सरस्वती माध्यमिक विद्यालयका विद्यार्थीहरूले शिक्षक पदपूर्तिको माग राख्दै कार्यवाहक नगर प्रमुख अइन्द्रविक्रम बेघाको कार्यकक्षमा धर्ना दिएका थिए। उनीहरूले माग सम्बोधन नभएसम्म आन्दोलन जारी राख्ने बताएका थिए।

आन्दोलनका क्रममा एक विद्यार्थीले नगर प्रमुखकै कार्यकक्षमा फिनेल सेवन गरेपछि उनलाई तत्काल उपचारका लागि धरानस्थित बीपी कोइराला स्वास्थ्य विज्ञान प्रतिष्ठानअन्तर्गत घोपा अस्पताल लगिएको थियो। घटनापछि विद्यार्थीको स्वास्थ्य अवस्थालाई लिएर समेत चिन्ता बढेको थियो।

विद्यार्थीहरूले विद्यालयमा लामो समयदेखि शिक्षकका पद रिक्त रहेकाले आफ्नो पढाइ प्रभावित भएको बताएका छन्। विशेषगरी कक्षा १० का विद्यार्थीलाई एसईईको तयारीका क्रममा शिक्षक अभावको प्रत्यक्ष असर परेको उनीहरूको भनाइ छ।

सरस्वती माध्यमिक विद्यालयमा सामाजिक विषयको शिक्षक पद लामो समयदेखि रिक्त रहेको र लेखापालको पदसमेत खाली रहेको विद्यालय पक्षले जनाएको छ। त्यस्तै ज्ञानोदय माध्यमिक विद्यालयमा पनि शिक्षक अभाव रहेको बताइएको छ। विद्यालय पक्षले शिक्षक नियुक्तिका लागि नगरपालिकासँग अनुमति माग्दै आएको जनाएको छ।

यता कार्यवाहक नगर प्रमुख बेघाले भने शिक्षक नियुक्तिमा आफूहरूले जानाजानी अवरोध नगरेको बताउँदै आएका छन्। उनका अनुसार विद्यालय व्यवस्थापन समिति र प्रधानाध्यापकबीचको विवाद तथा समन्वयको अभावका कारण नियुक्ति प्रक्रिया प्रभावित भएको हो। नगरपालिकाले नियमअनुसार सार्वजनिक सूचना जारी गरेर योग्य उम्मेदवार छनोट गर्नुपर्ने बताउँदै आएको छ।

विद्यार्थीको आन्दोलन, विद्यालयको शिक्षक अभाव र नगरपालिकाको प्रक्रियागत अडानबीच समाधान खोज्न वार्ता तथा सहमतिको आवश्यकता देखिएको छ। आन्दोलनका क्रममा स्वास्थ्यमा जोखिम उत्पन्न भएपछि विद्यार्थीको माग सम्बोधन गर्ने

सम्बन्धित समाचार