कांग्रेसको नयाँ नेतृत्व चयन हुँदै, पदाधिकारीको मतगणनामा सबैको नजर

953 Shares

काठमाडौं । नेपाली कांग्रेसको १५औँ महाधिवेशनअन्तर्गत उपसभापति र महामन्त्री पदको मतगणना जारी रहँदा उम्मेदवारहरूबीच प्रतिस्पर्धा रोचक बनेको छ। मतगणनाका क्रममा विभिन्न पदका उम्मेदवारले प्राप्त गरेको मतका आधारमा अग्रता र प्रतिस्पर्धाको अवस्था फेरिँदै गएको छ।

उपसभापति पदमा दुई खुला र एक समावेशी पदका लागि प्रतिस्पर्धा भइरहेको छ। त्यस्तै, महामन्त्री पदमा दुई खुला र एक महिला पदका लागि उम्मेदवारहरू चुनावी मैदानमा छन्।

खुलातर्फको महामन्त्री पदमा प्रदीप पौडेल र अमरसिंह पुन मगर अग्रस्थानमा देखिएका छन्। उदयशमशेर राणा, डा. सुनीलकुमार शर्मा, गुरुराज घिमिरेलगायत उम्मेदवार पनि प्रतिस्पर्धामा छन्। महिला महामन्त्रीतर्फ डा. डिला संग्रौला (पन्त) र महालक्ष्मी उपाध्याय ‘डिना’ बीच प्रतिस्पर्धा देखिएको छ।

 
उपसभापतिको खुलातर्फ डा. चन्द्रकान्त भण्डारीसहित विभिन्न उम्मेदवारबीच प्रतिस्पर्धा भइरहेको छ। समावेशीतर्फ विनोदकुमार चौधरी, जीवन परियारलगायत उम्मेदवार प्रतिस्पर्धामा छन्।

मतगणना जारी रहेकाले उम्मेदवारहरूको मतमा थप फेरबदल हुन सक्ने देखिएको छ। अन्तिम परिणामपछि मात्रै निर्वाचित हुने पदाधिकारीको टुंगो लाग्नेछ।

सम्बन्धित समाचार