खाद्य संकट रोक्न इश्वरपुरमा खाद्य बैंक स्थापना

3.1k Shares

सरकारले कोरोनाको संक्रमणलाई रोकथाम तथा नियन्त्रणका लागि गरेको लकडाउनका कारण चुल्हो बाल्नै नसक्ने परिवारलाई खाद्य सामग्री घरमै पुर्या्दिने ईश्वरपुर नगरपालिकाले व्यवस्था गरेको छ । त्यस्ता परिवारलाई तत्काल घरमा राहत पुर्याउन नगरपालिकाले खाद्यान्न बैंक स्थापना गरेको हो ।
जनप्रतिनिधी, प्रहरी, राजनीतिकदल र स्थानीय संघ संस्थाले सिफारिस गरेपछि ती परिवारलाई नगरपालिकाले खाद्य सामाग्री दिने नगर प्रमुख मनोज कुमार देवकोटाले कमलामाई खबरलाई जानकारी दिनु भयो । कोरोना महामारीपछि विपन्न परिवारमा आर्थिक संकट परेपछि ईश्वरपुर नगरपालिकाले यसअघि ८ हजार विपन्न तथा गरिब घर परिवारलाई चामल, दाल, खानेतेल, नुन लगायतका सामग्री वितरण गरिएको नगरपालिकाले जनाएको छ ।
कोरोना भाइरसको संक्रमणबाट जोगिन तथा जोखिम न्यूनिकरणका लागि नगरपालिकाले उच्च सर्तकता समेत अपनाएको छ । नगरपालिकाले कोरोना संक्रमणवाट बच्न गरिएको लकडाउनले प्रभावित भएका विकास निर्माणका कामलाई पनि अघि बढाउने भएको छ ।नगरभित्र विशेषगरि कल्भर्ट, नदि नियन्त्रण, भवन निर्माण लगायतका निर्माणमा काम शुरु गर्न लागिएको नगर प्रमुख देवकोटाले बताउनुभयो ।

सम्बन्धित समाचार