जिल्लाको लालबन्दी नगरपालिकाबाट छिमेकी जिल्ला सिन्धुलीको मरिण गाउँपालिका जोड्ने सडक निर्माणका लागि डिपिआर तयार गरिने भएको छ । लालबन्दी नगरपालिका र मरिण गाउँपालिका बिच शनिबार भएको छलफलका लालबन्दी नगरपालिकाको वडा नम्बर १४ को नारायण खोला र १५ को शिर कालिन्जोर हुदैँ चुरे क्षेत्र हुँदै मरिण गाउँपालिका ५ बडीमुहान, अम्बास जोड्ने सडक निमार्णका लागि डिपिआर तयार गर्ने सहमती भएको लालबन्दी नगरपालिका ८ का वडा अध्यक्ष तथा नगर प्रवक्ता राजन कुमार श्रेष्ठले जानकारी दिनु भयो ।

लालबन्दी नगरपालिकाका नगर प्रमुख मानबहादुर खड्ग र मरिण गाउँपालिका अध्यक्ष पानीराज बम्जन सहित जनप्रतिनिधिहरु विच भएको छलफलले दिर्घकालिन रुपमा सडक निर्माणका लागि डिपिआर निर्माण गर्ने र तत्काल संचालनका लागि सडकको स्तरउन्नती गर्ने सहमती भएको लालबन्दी नगरपालिकाकी नगर उप प्रमुख शान्ती कुमारी लामाले जानकारी दिनु भयो ।
सडकको डिपिआर निर्माण र स्तरोउन्नतका लागि आगामी आर्थिक बर्ष २०७७÷०७८ मा दुवै स्थानिय निकायहरुले बजेट विनियोजन गर्ने निर्णय भएको मरिण गाउँपालिकाका अध्यक्ष पानीराज बम्जनले बताउनु भयो । “दुवै स्थानिय तहका जनप्रतिनिधिहरु बिच छलफल भयो । तत्कालका लागि लालबन्दी नगरपालिका भित्र पर्ने सडक र मरिण गाउँपालिका भित्र पर्ने सडकको स्तरोउन्नती गर्ने साथै आगामी आर्थिक वर्षमा बजेट विनियोजित गर्ने सहमती भएको छ । दिर्घकालिन रुपमा सडक निर्माणका लागि डिपिआर तयार गर्ने सहमती भएको छ” लालबन्दी नगरपालिकाका नगर प्रमुख खड्काले भन्नुभयो ।
दुवै स्थानिय निकायले आ–आफ्नो स्थानिय निकाय भित्रका सडकहरुको स्तरोउन्नती गर्दा बाँकी थोरै क्षेत्रको मात्रै सडक जोड्ने काम बाँकी रहने साथै आर्थिक भार कम पर्ने मरिण गाउँपालिकाका अध्यक्ष बम्जनले बताउनु भयो ।
सडकको डिपिआर तयार गर्नका लागि आगामी आर्थिक बर्ष २०७७÷०७८ मा दुवै स्थानिय तहहरुले स्रोतले भएसम्म बजेट छुट्याउने सहमती भएको अध्यक्ष बम्जनको भनाई छ । “यो सडक निर्माणमा स्थानिय तहहरुले मात्रै सकिदैन । हामीले स्रोतले पुगेसम्म लगानी गर्छौ । डिपिआर देखि सडक निर्माण सम्मका लागि बजेट नपुगेको खण्डमा संघ, प्रदेश सरकारसँग पनि बजेट माग गर्नुपर्छ । संघ र प्रदेश सरकारबाट बजेट ल्याउन दुवै स्थानिय तहले समन्वय गर्ने सहमती भएको दुवै स्थानिय निकायका प्रमुखहरुले बताउनु भयो । ”
करिब ३५ किलोमिटर लम्बाई रहेको सडक निर्माण गर्ने बिषयमा दुवै स्थानिय तहका जनप्रतिनिधिहरु सहमत भएका छन । उक्त सडक निर्माण भएपछि तराईसँग मरिण गाउँपालिकाको आवात जावतमा सहज हुनेछ । सिन्धुलीको मरिण गाउँपालिका र हरिहरपुरगढी गाउँपालिकाको व्यापारीक केन्द्रको रुपमा रहेको लालबन्दी बजार उक्त सडक निर्माण पछि थप व्यास्त रहने हुँदा सोही अनुसार व्यावस्थीत बनाउने नगरले तयारी समेत गरेको नगर उप प्रमुख लामाले बताउनु भयो ।
छलफलमा लालबन्दी नगरपालिकाका नगर प्रमुख मान बहादुर खड्का,प्रमुख उप प्रमुख शान्ती कुमारी लामा,मरिण गाउँपालिकाका अध्यक्ष पानिराज बम्जन,उपा अध्यक्ष तथा जनप्रतिनिधिहरुको विशेष उपस्थिती रहेको थियो ।