प्रचण्ड भोलि मधेश झर्दै , बाराबाट सुरु हुँदै ‘जनतासँग माओवादी’ अभियान

2.3k Shares

चैत ५, काठमाडौँ । नेकपा (माओवादी केन्द्र) का अध्यक्ष पुष्पकमल दाहाल भोलि मधेश झर्ने भएका छन् ।

लामो समय स्थगित भएको ‘जनतासँग माओवादी’ अभियानलाई पुनः  सुचारु गर्न दाहाल भोलि (बुधबार) सिमरा झर्ने भएका हुन् ।दाहालको सचिवालयले जनाएअनुसार रोकिएको अभियान अब बाराबाट पूनः सुरु हुने भएको हो ।

बुधबार सिमरा पुगेर प्रचण्डले अभियानको तयारी गर्नेछन् भने औपचारिक रूपमा अभियान चैत ७ गते बिहीबारदेखि सुरु हुने जनाइएको छ। 

काठमाडौंमा राजावादीहरुको प्रदर्शनपछि माओवादी नेतृत्व काठमाडौंकेन्द्रित भएको थियो । प्रचण्डले संसद्मा समेत सम्बोधन गरिसकेका छन् । यस्तै, समाजवादी मोर्चाले राजावादीको प्रदर्शनलाई काउन्टर दिनको लागि चैत्र १५ गते काठमाडौंमा शक्ति प्रदर्शन गर्ने घोषणा गरिसकेको छ ।

सम्बन्धित समाचार