काठमाडौं । त्रिपुरेश्वरमा बसमा आगजनी गरेका चालक २५ वर्षीय अर्जुन दावा लामाको उपचारका क्रममा मृत्यु भएको छ ।
सोमबार ट्राफिक प्रहरीसँग विवाद भएपछि लामाले आफूले चलाउँदै आएको रिद्धिसिद्धी यातायातको बसमा आगजनी गरेका थिए । बसमा आगजनी गरेपछि उनी बाहिर निस्कन नसकी घाइते अवस्थामा फेला परेका थिए ।
प्रहरीका अनुसार उद्धार गरी उपचारका लागि उनलाई कीर्तिपुरस्थित बर्न अस्पताल लगिएको थियो । उपचारकै क्रममा सोमबार राति उनको मृत्यु भएको हो ।
घटनाबारे प्रहरीले थप अनुसन्धान गरिरहेको जनाएको छ । प्रारम्भिक विवरणअनुसार ट्राफिक प्रहरीसँग भएको विवादपछि चालकले बसमा आगजनी गरेको देखिएको छ ।
शिलापत्रका अनुसार घटनामा चालक लामाको शरीरमा आगोबाट गम्भीर चोट लागेको थियो र उनलाई उद्धारपछि बर्न अस्पताल पुर्याइएको थियो ।