सुनको मूल्यमा ठूलो गिरावट, तीन दिनमै ७ हजार रुपैयाँ घट्यो

1.2k Shares

काठमाडौं । नेपाली बजारमा सुनको मूल्य लगातार घटिरहेको छ। पछिल्लो तीन दिनमा सुनको मूल्य प्रतितोला ७ हजार रुपैयाँले घटेको छ भने चाँदीको भाउमा पनि गिरावट आएको छ।

नेपाल सुनचाँदी व्यवसायी महासंघका अनुसार बुधबार सुनको मूल्य प्रतितोला २ हजार ७ सय रुपैयाँले घटेको छ। यससँगै छापावाल सुनको मूल्य प्रतितोला २ लाख ८९ हजार ५ सय रुपैयाँ कायम भएको छ।

यसअघि मंगलबार सुनको मूल्य प्रतितोला २ लाख ९२ हजार २ सय रुपैयाँ थियो। त्यस्तै, आइतबार सुन प्रतितोला २ लाख ९६ हजार ५ सय रुपैयाँमा कारोबार भएको थियो। यसरी तीन दिनको अवधिमा सुनको मूल्य प्रतितोला ७ हजार रुपैयाँले घटेको हो।

सुनसँगै चाँदीको मूल्यमा पनि गिरावट आएको छ। बुधबार चाँदीको मूल्य प्रतितोला १ सय रुपैयाँले घटेर ४ हजार २५५ रुपैयाँ कायम भएको छ। मंगलबार चाँदी प्रतितोला ४ हजार ३५५ रुपैयाँमा कारोबार भएको थियो भने आइतबार यसको मूल्य ४ हजार ४४० रुपैयाँ थियो।

पछिल्लो मूल्य गिरावटसँगै सुनचाँदी खरिद गर्ने उपभोक्ताका लागि बजारभाउ केही सस्तिएको छ। यद्यपि, आगामी दिनमा सुनचाँदीको मूल्य कस्तो रहने भन्ने विषय बजारको उतारचढावमा निर्भर रहनेछ।

सम्बन्धित समाचार