मेसी चम्किँदा अल्जेरिया स्तब्ध, विश्वकप २०२६ को पहिलो खेलमै ह्याट्रिक

1.2k Shares

काठमाडौँ । विश्वकप फुटबल २०२६ को उद्घाटन खेलमै अर्जेन्टिनाका कप्तान लियोनल मेसी ले ह्याट्रिक पूरा गर्दै प्रतियोगिताको शानदार सुरुआत गरेका छन्। अल्जेरियाविरुद्धको खेलमा मेसीले १७औँ, ६०औँ र ७६औँ मिनेटमा गोल गर्दै टोलीलाई सानदार जित दिलाए।

खेलको सुरुआतदेखि नै आक्रामक देखिएको अर्जेन्टिना ले बल नियन्त्रण र पासिङमा प्रभुत्व जमायो। १७औँ मिनेटमा बक्सभित्रबाट मेसीले सट हानेर खाता खोलेपछि अर्जेन्टिनाको आत्मविश्वास थप बढ्यो। पहिलो हाफमा थप केही अवसर सिर्जना भए पनि गोल भने हुन सकेन।

दोस्रो हाफमा अल्जेरिया ले बराबरीको प्रयास तीव्र बनाए पनि अर्जेन्टिनाको रक्षापंक्ति सुदृढ देखियो। ६०औँ मिनेटमा मेसीले फ्री–किकबाट सुन्दर गोल गर्दै अग्रता दोब्बर बनाए। त्यसपछि ७६औँ मिनेटमा काउन्टर–अट्याकमा प्राप्त अवसरलाई सदुपयोग गर्दै उनले ह्याट्रिक पूरा गरे।

यो ह्याट्रिकसँगै मेसी विश्वकप इतिहासमा आफ्नै कीर्तिमानलाई थप उचाइमा पुर्‍याउन सफल भएका छन्। प्रशिक्षकले पनि खेलपछि प्रतिक्रिया दिँदै “टोलीको तालमेल र मेसीको नेतृत्वले प्रतियोगितामा हाम्रो लक्ष्य स्पष्ट भएको” बताएका छन्।

उद्घाटन खेलमै प्रभावशाली जित निकालेको अर्जेन्टिनाले अब समूह चरणका आगामी खेलहरूमा पनि लय कायम राख्ने अपेक्षा गरिएको छ।

सम्बन्धित समाचार