हालान्डको दुई गोलमा ब्राजिल स्तब्ध, नर्वे क्वार्टरफाइनलमा

2.6k Shares

काठमाडौँ । स्टार स्ट्राइकर एर्लिङ हालान्डको उत्कृष्ट प्रदर्शनमा नर्वेले २०२६ फिफा विश्वकपको अन्तिम १६ मा ब्राजिललाई २–१ ले पराजित गर्दै क्वार्टरफाइनलमा स्थान बनाएको छ।

न्यु जर्सीमा आइतबार राति भएको खेलमा अधिकांश समय गोलरहित बराबरी रहे पनि हालान्डले खेलको अन्तिम चरणमा दुई गोल गर्दै नर्वेलाई ऐतिहासिक जित दिलाए।

उनले ७९औँ मिनेटमा हेडमार्फत पहिलो गोल गरे भने निर्धारित समय सकिनै लाग्दा शक्तिशाली प्रहारबाट व्यक्तिगत दोस्रो तथा टोलीका लागि दोस्रो गोल थपे। यी दुई गोलसँगै हालान्डको प्रतियोगितामा गोल संख्या सात पुगेको छ।

ब्राजिलले इन्जुरी समयमा नेयमारको पेनाल्टी गोलमार्फत अन्तर घटाए पनि त्यसपछि फर्किन सकेन। यसअघि पहिलो हाफमा ब्रुनो गिमारेसको पेनाल्टी नर्वेका गोलरक्षक ओर्जान नाइल्यान्डले बचाएका थिए, जुन खेलको निर्णायक मोड बन्यो।

यस जितसँगै नर्वे विश्वकपको क्वार्टरफाइनलमा पुगेको छ। अब उसले मेक्सिको र इंग्ल्यान्डबीचको विजेतासँग सेमिफाइनल प्रवेशका लागि प्रतिस्पर्धा गर्नेछ। पाँच पटकको विश्वविजेता ब्राजिल भने अन्तिम १६ बाटै बाहिरिएको छ।

 

सम्बन्धित समाचार