काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले पाकिस्तानको ब्रड पिक हिमाल आरोहणका क्रममा हिमपहिरोमा परी ज्यान गुमाएका विश्वप्रसिद्ध नेपाली आरोही निर्मल पुर्जा ‘निम्स दाइ’सहित अन्य आरोहीप्रति श्रद्धाञ्जली व्यक्त गरेका छन्।
सामाजिक सञ्जालमार्फत आइतबार शोक सन्देश जारी गर्दै प्रचण्डले ब्रड पिक दुर्घटनामा निम्स दाइलगायत १० जना आरोहीको निधनको खबरले आफू स्तब्ध भएको बताएका छन्। उनले दिवंगत आरोहीहरूप्रति हार्दिक श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गरेका छन्।
प्रचण्डले हिमाल आरोहणको क्षेत्रमा दिवंगत आरोहीहरूले पुर्याएको योगदान नेपालीले सधैं सम्झिरहने उल्लेख गर्दै उनीहरूको योगदान नेपालको पर्वतारोहण इतिहासमा अविस्मरणीय रहने बताएका छन्।