बाढीपीडितका लागि मंगला अमात्यले दिइन् १ करोड ८ लाख रुपैयाँ

1.3k Shares

काठमाडौं । काठमाडौंको छाउनी निवासी मंगला अमात्यले भोटेकोशी–त्रिशूली बाढीबाट प्रभावित नागरिकको सहयोगका लागि १ करोड ८ लाख रुपैयाँ प्रदान गरेकी छन्।

अमात्यका प्रतिनिधि अरुण श्रेष्ठले अर्थमन्त्री स्वर्णिम वाग्लेलाई भेटेर उक्त रकमको चेक हस्तान्तरण गरेका हुन्।

भदौ १० गते भोटेकोशी नदीमा आएको विनाशकारी बाढीबाट रसुवा, नुवाकोट र धादिङलगायतका जिल्लामा ठूलो जनधनको क्षति भएको छ। बाढीका कारण हजारौं नागरिक प्रभावित तथा घरबारविहीन भएका छन् भने ठूलो संख्यामा मानिस बेपत्ता भएका छन्।

बाढीपीडितको उद्धार, राहत तथा पुनर्स्थापनाका लागि सरकारले सहयोगको आह्वान गरेपछि विभिन्न संघसंस्था, व्यवसायी तथा सर्वसाधारणले आर्थिक तथा भौतिक सहयोग गरिरहेका छन्।

मंगला अमात्यले उपलब्ध गराएको रकम पनि बाढी प्रभावितको राहत तथा सहयोगमा उपयोग गरिने जनाइएको छ। पछिल्लो विपद्पछि प्रभावित परिवारलाई तत्काल राहत उपलब्ध गराउनुका साथै पुनर्स्थापनाका लागि ठूलो स्रोत आवश्यक देखिएको छ।

सम्बन्धित समाचार