काठमाडौँ । रसुवाको टिमुरेस्थित नेपाल–चीन सीमामा नेपालको राष्ट्रिय झन्डा पुनर्स्थापना गरिएको छ। सीमाक्षेत्रमा रहेको राष्ट्रिय झन्डा हटेको अवस्थामा पुगेपछि पुनः झन्डा राखिएको हो।
टिमुरे नेपाल–चीनबीचको महत्वपूर्ण सीमा नाका हो। पछिल्लो समय भोटेकोशी बाढी तथा त्यसबाट भएको क्षतिका कारण रसुवाको सीमाक्षेत्रमा आवागमन तथा पूर्वाधार प्रभावित भएको अवस्थामा राष्ट्रिय झन्डा पुनर्स्थापना गरिएको हो।
सीमाक्षेत्रमा राष्ट्रिय झन्डाको पुनर्स्थापनाले नेपालको राष्ट्रिय पहिचान र सीमा क्षेत्रमा राष्ट्रिय उपस्थितिको प्रतीकका रूपमा समेत महत्व राख्ने सम्बन्धित पक्षले जनाएको छ।
नेपाल–चीन सीमाको टिमुरे क्षेत्रमा यसअघि बाढीका कारण विभिन्न संरचनामा क्षति पुगेको थियो। अहिले क्रमशः आवश्यक संरचना पुनःस्थापना तथा आवागमन सहज बनाउने काम भइरहेको छ।