एनपीएलको तेस्रो संस्करणको खेल तालिका सार्वजनिक, उद्घाटनमा लुम्बिनी र सुदूरपश्चिम भिड्ने

1k Shares

काठमाडौँ । नेपाल प्रिमियर लिग (एनपीएल)को तेस्रो संस्करणको खेल तालिका सार्वजनिक भएको छ । नेपाल क्रिकेट संघ (क्यान)ले शनिबार प्रतियोगिताको खेल तालिका सार्वजनिक गरेको हो ।

सार्वजनिक तालिकाअनुसार एनपीएलको उद्घाटन खेलमा साविक विजेता लुम्बिनी लायन्स र साविक उपविजेता सुदूरपश्चिम रोयल्स आमनेसामने हुने भएका छन् ।

लुम्बिनी र सुदूरपश्चिमबीचको उद्घाटन खेल ९ कात्तिकमा हुनेछ । प्रतियोगिताको लिग चरणका खेल कात्तिक २९ गतेसम्म सञ्चालन हुनेछन् । लिग चरणपछि १ मंसिरमा पहिलो क्वालिफायर खेल हुनेछ । त्यसको भोलिपल्ट अर्थात् २ मंसिरमा इलिमिनेटर खेल हुनेछ ।

त्यस्तै ३ मंसिरमा दोस्रो क्वालिफायर खेल हुने तालिका छ । प्रतियोगिताको उपाधिका लागि ५ मंसिरमा फाइनल खेल हुनेछ । एनपीएलको तेस्रो संस्करणमा पनि नेपाली क्रिकेटका साथै विभिन्न विदेशी खेलाडीको सहभागिताले प्रतियोगितालाई थप प्रतिस्पर्धात्मक बनाउने अपेक्षा गरिएको छ ।

साविक विजेता लुम्बिनी लायन्स र उपविजेता सुदूरपश्चिम रोयल्सबीचको उद्घाटन भिडन्तसँगै सुरु हुने प्रतियोगितामा लिग चरणपछि क्वालिफायर र इलिमिनेटर हुँदै विजेताको टुंगो लाग्नेछ ।

796640493_122208750302455690_6636935369931923718_n-1789820268.jpg

सम्बन्धित समाचार