नेपाली बजारमा सुनको मूल्य तोलामा ३ हजार २०० रुपैयाँले घट्यो

750 Shares

काठमाडौं । नेपाली बजारमा शुक्रबार सुनको मूल्य प्रतितोला तीन हजार २०० रुपैयाँले घटेको छ। नेपाल सुनचाँदी व्यवसायी महासंघका अनुसार शुक्रबार छापावाल सुनको मूल्य प्रतितोला दुई लाख ८० हजार ३०० रुपैयाँ कायम भएको छ।

बिहीबार सुन प्रतितोला दुई लाख ८३ हजार ५०० रुपैयाँमा कारोबार भएको थियो। अघिल्लो दिनको तुलनामा शुक्रबार सुनको मूल्यमा उल्लेख्य गिरावट आएको हो।

 

चाँदीको मूल्य पनि घट्यो

सुनसँगै चाँदीको मूल्यमा पनि गिरावट आएको छ। महासंघका अनुसार शुक्रबार चाँदीको मूल्य प्रतितोला १०५ रुपैयाँले घटेर तीन हजार ८२५ रुपैयाँ कायम भएको छ।

बिहीबार चाँदी प्रतितोला तीन हजार ९३० रुपैयाँमा कारोबार भएको थियो।

अन्तर्राष्ट्रिय बजारको उतारचढाव तथा माग र आपूर्तिमा हुने परिवर्तनले नेपाली बजारमा सुनचाँदीको मूल्य प्रभावित हुँदै आएको छ। पछिल्लो मूल्य गिरावटसँगै सुनचाँदी खरिद गर्ने उपभोक्ताले केही राहत महसुस गर्न सक्ने देखिएको छ।
सम्बन्धित समाचार