ट्राफिक नियम उल्लङ्घनमा कडाइ, एकै दिन ४ लाख ७९ हजार असुल
953
Shares
काठमाडौँ । ट्राफिक प्रहरीले पछिल्लो २४ घण्टामा गरेको कारबाहीबाट करिब चार लाख ७९ हजार रुपैयाँ राजस्व सङ्कलन भएको छ।
ट्राफिक नियम उल्लङ्घन गर्ने सवारी साधनहरूलाई लक्षित गरी देशभर गरिएको नियमित तथा आकस्मिक चेकजाँचका क्रममा विभिन्न प्रकारका उल्लङ्घन भेटिएपछि जरिवाना गरिएको हो।
ट्राफिक प्रहरीले सवारी नियम पालनालाई कडाइका साथ लागू गर्ने अभियानअन्तर्गत ओभरस्पिड, हेलमेट नलगाउने, सिटबेल्ट नबाँध्ने, लेन अनुशासन उल्लङ्घन गर्ने लगायतका घटनामा कारबाही गरेको जनाएको छ।
प्रहरीका अनुसार सवारी दुर्घटना न्यूनीकरण र सडक अनुशासन कायम गर्न यस्ता निगरानी तथा कारबाही नियमित रूपमा जारी रहनेछ।