सुरक्षा निकायलाई आवश्यक साधन नदिँदा ठूलो क्षति भएको आयोगको निष्कर्ष

1.2k Shares

काठमाडौं । राज्यले सुरक्षा निकायलाई पर्याप्त स्रोतसाधन, उपकरण तथा आवश्यक तयारी उपलब्ध नगराउँदा संकट व्यवस्थापनमा ठूलो क्षति भएको एक छानबिन आयोगले निष्कर्ष निकालेको छ।

आयोगद्वारा सार्वजनिक प्रतिवेदनमा विभिन्न संकटका समयमा सुरक्षाकर्मीलाई ठूलो संख्यामा परिचालन गरिए पनि आवश्यक साधन–स्रोत, समन्वय र पूर्वतयारी पर्याप्त नहुँदा अपेक्षित परिणाम प्राप्त हुन नसकेको उल्लेख गरिएको छ ।

सरकारी निकायबीचको समन्वय ढिलो हुनु तथा निर्णय प्रक्रियामा देखिएको कमजोरीले परिस्थितिलाई थप जटिल बनाएको प्रतिवेदनमा जनाइएको छ ।

आयोगका अनुसार यो समस्या व्यक्तिगत सुरक्षाकर्मीको कमजोरी नभई राज्यको संरचनागत र व्यवस्थापकीय कमजोरीको परिणाम हो। पर्याप्त पूर्वतयारी र स्रोत व्यवस्थापनको अभावले घटनाको प्रभाव र मानवीय तथा भौतिक क्षति बढाएको निष्कर्ष आयोगले निकालेको छ ।

प्रतिवेदनले यस्ता कमजोरी दोहोरिन नदिन सुरक्षा निकायलाई आवश्यक साधन–स्रोतको सुनिश्चितता, स्पष्ट कार्ययोजना र प्रभावकारी अन्तरनिकाय समन्वय प्रणाली निर्माण गर्न सरकारलाई सुझाव दिएको छ ।

सम्बन्धित समाचार